Emma Watson

Rupert Grint - stutt viðtal við Warner Bros (framleiðendur myndanna) Viðtal þýtt af WarnerBros í október 2002 (Mynd af Warner Bros)

Þetta viðtal var tekið við Rupert 17. október 2002 og birtist á síðu harrypotter.com. Anna Heiða Pálsdóttir þýddi.

Kemur ykkur Dan vel saman?

Já, okkur kemur mjög vel saman. Mér líkar ofboðslega vel við Emmu, við erum öll mjög góðir vinir. Það er líka fullt af fólki í nýju myndinni, sem gerir vinnuna skemmtilega. Kenneth Branagh sem leikur Lockhart er svo vingjarnlegur og skemmtilegur og svo eru það Bonnie Wright sem leikur litlu systur mína Ginny og líka Hugh Mitchell sem leikur Colin Creevey. Þau eru öll frábær.

Var upptaka Kafteins Ofurbrókar (Thunderpants) ólík Harry Potter?

Allt öðruvísi. Ég leit líka allt öðruvísi út. Ég var með permanent sem kom mér illilega á óvart! Tökur myndarinnar fóru fram þegar töku HP var lokið og upptökurnar tóku um átta vikur. Þetta var æðislega skemmtilegt en ég var ekkert alltof hrifinn af því að vera með krullað hár og gleraugu, slaufu og hnésokka.

Hvernig leið þér að leika í köngulóarsenunum? Ertu hræddur við köngulær?

Ég þoli þær ekki, þær eru svo hryllilegar. Mér er meinilla við þær. Og senan með öllum köngulónum og 4ra tonna köngulónni Aragog gerði lítið til að draga úr hræðslunni hjá mér.

Var upptaka sniglasenunnar skemmtileg?

Það var uppáhaldssenan mín, ég varð að setja sniglana upp í mig og svo spýta þeim út út mér með öllu yndislega slíminu, það var virkilega gott á bragðið. Ég veit ekki úr hverju þeir voru gerðir en þeir voru hrikalega góðir á bragðið!

Hvernig fékkstu hlutverkið til að byrja með?

Þetta byrjaði allt saman með því að ég var að horfa á þátt í bresku sjónvarpi sem heitir Newsround. Þar var sagt frá því hvað maður átti að gera til að fá áheyrnarprufu fyrir Harry Potter svo ég sendi þeim bréf vegna þess að mig langaði svo mikið að leika Ron. En ég heyrði ekkert frá þeim í margar vikur. Og einn daginn var ég að skoða vefsíðu Newsround og sá að einvher annar strákur hafði sent myndbandsupptöku af sjálfum sér. Svo mamma hjálpaði mér að útbúa myndbandsupptöku af mér þar sem ég sagði frá því hvað mig langaði að leika í þessari mynd og las nokkrar línur eins og Ron myndi segja þær - sem ég samdi sjálfur - og klæddi mig eins og leiklistarkennarinn minn. Það var versti hlutinn, því hún er kona! Ég sendi inn myndbandið og áður en varði hringdi sá sem valdi í hlutverkin í mig. Síðan gerði ég alvöru upptöku til prufu. Og svo fékk ég hlutverkið!

Fæðu mikla athygli frá stelpum?

Humm, eftir Þrumubrók? Nei! Fólk þekkir mig og mér finnst svolítið erfitt að venjast því, en samt ágætt. Og fólk biður mig að skrifa á furðulegustu hluti. Í gær var ég beðinn að skrifa á ávísanahefti!

Hvað finnst þér best við bók tvö?

Ég elska tréð (the Whomping Willow) og að ég skuli fá að keyra bílinn fljúgandi, sem er æðislegt og svo, auðvitað, fæ ég að spýta út úr mér sniglum. Mér finnst æðislegt hvað bókin er hryllileg og ég veit að myndin verður líka hryllileg. Það var sérstaklega gaman að fljúga í bílnum, þetta var eins og í tívolí, hann fór svo hratt yfir.

Hvaða spurningu færðu oftast að heyra?

Spurningin sem ég fæ oftast að heyra er í alvörunni þessi: „Hefurðu hitt Daniel Radcliffe?“

Hvernig finnst þér að hafa eiginlega greitt götu rauðhærðs fólks - nú fær það viðurkenningu?

Ég er ennþá kallaður rauðhaus stöku sinnum en mér er alveg sama vegna þess að ég hef vanist því. Og ég er í góðum félagsskap, sjáðu til dæmis Nicole Kidman!

Finnst þér þú líkjast Ron að einhverju leyti?

Ég er rauðhærður, ég er nammigrís og ég á stóra fjölskyldu. Ó, og ég verð líka að ganga í fötum af eldri systkinum, svo ég hugsa að við Ron eigum margt sameiginlegt. Og ekki gleyma því að við erum báðir dauðhræddir við köngulær!

Hvaða áhættuatriði fannst þér skemmtilegast í annarri myndinni?

Bíllinn var allra bestur, það er öruggt.

Að hvaða leyti er seinni myndin öðruvísi?

Fyrri myndin var eins konar kynning, þegar þau byrjuðu öll í nýjum skóla, Hogwarts, en í seinni myndinni fáum við öll að gera svo margt fleira. Það er miklu meira á seyði, hún er hryllilegri og myrkari - og líka miklu fyndnari!

Anna Heiða Pálsdóttir þýddi af síðu Warner Bros.