Um síðuna
Eldri fréttir
Bækurnar
Bók 1
Bók 2
Bók 3
Bók 4
Bók 5
Bók 6
Bók 7
Orð og nöfn
Heimavistir
Persónur
Galdraþulur
J.K. Rowling
Ævisaga 
Myndasíða
Verðlaun
Góðverk 
BBC þáttur
Grein eftir HJ 
Viðtöl 2000
Viðtöl 2001
Viðtöl 2002
Viðtöl 2003
Ádeilur
Kvikmyndir
Mynd 1
Mynd 2
Mynd 3
Mynd 4
Mynd 5
Fyrir kennara
Viltu leika?
Viðtal/Hayman
Leikarar
Daniel Radcliffe
Daniel myndir

Emma Watson

Emma myndir

Rupert Grint
Rupert myndir
Tom Felton

Tom myndir

Sean Biggerst.
Sean myndir
Aðrir leikarar
Blaðam.fundur
HBO viðtal
Heimilisföng
FAN-klúbbur
„Fan-art“
„Fan-fiction“
Tagboard
Fastagestir
Afmælisdagabók
Bréf frá gestum
Gestabók
Tenglar
Íslenskir
Erlendir
Leikir
Leikir í gangi
Spider Frenzy
Broomsticks
BroomstiX
Fill It
Hogwarts
Knockturn Alley
Púsluspil 11
Púsluspil 2
Triwizard 1
Triwizard 2
Tveir leikir
Quidditch
Fleiri leikir 
Annað
Tölvupóstur

 


Síðast uppfært
2. nóvember 2003

J. K. Rowling: góðverk

J.K. Rowling hefur sýnt á margan hátt að hún vilji nota auðævi sín og aðstöðu til þess að hjálpa nauðstöddum. Hún skrifaði tvær litlar bækur, "Fantastic Beasts and where to Find Them" og Quidditch Through the Ages" og tók engin höfundarlaun fyrir. Hún fékk prentara, bókbindara, markaðsfyrirtæki og bókabúðir í lið með sér þannig að hver króna sem kom inn myndi renna til góðgerðastarfsemi (smellið á viðtöl 2001 hér til hliðar til að sjá allt um það).

Febrúar 2003 - Rowling enn í góðgerðarstarfsemi
Árlega er haldinn í Bretlandi svonefndur rauðnefjadagur („Red Nose Day") en þá eru seld rauð plastnef um allt landið. Andvirðið rennur allt til góðgerðamála. Frægir breskir leikarar og framámenn setja upp rautt nef þennan dag til að sýna samstöðu með verkefninu. Hér er J.K. Rowling ásamt gamanleikaranum Lenny Henry að kynna rauðnefjadaginn í Skotlandi.

Hér er önnur saga um góðvild Rowling:

Sagan af Catie
Það er gullfalleg saga á Newsday.com um samband Rowling við litla, bandaríska stúlku, Catie, sem var illa haldin af krabbameini. Þegar Catie var 6 ára uppgötvaðist krabbamein í nýrum hennar sem dreifðist fljótt til annarra hluta líkamans. Nýrun voru fjarlægð, líka stór hluti af lifrinni, lungunum og öðrum líffærum.

Catie var í 18 mánuði á Ronald MacDonald í New York (sem er gististaður fyrir krabbameinssjúk börn sem MacDonalds-keðjan setti á stofn) ásamt móður sinni sem las allar Harry Potter bækurnar fyrir hana. Hún varð að ganga í gegnum erfiðar geisla- og lyfjameðferðir, missti hárið og þjáðist mikið.

Mæðgurnar voru að klára þriðju bókina þegar læknar sögðu þeim að Catie væri að tapa baráttunni við krabbameinið. Catie átti sér þá ósk heitasta að mamma hennar læsi fjórðu bókina en það var ekki hægt vegna þess að hún var ekki væntanleg næstu mánuðina og Catie átti ekki það langt eftir.

Vinur vinar hennar sendi útgefanda HP á Englandi tölvupóst og sagði sögu Catie litlu. Bráðlega kom svar frá Rowling í tölvupósti: „Kæra Catie. Ég er að vinna hörðum höndum að fjórðu bókinni." Og Rowling sagði henni ýmislegt um það sem hún var að skrifa.

Rowling sendi Catie fallega gjöf á Valentínusardaginn og skrifaðist reglulega á við hana. Á afmæli Catie í mars bárust enn fleiri gjafir og heillaóskir frá Rowling. Stuttu seinna var Catie orðin fárveik og ljóst að það væri dagaspursmál um hvenær hún skipti um dvalarstað. Móðir hennar skrifaði Rowling tölvupóst og sagði henni hvernig málin stæðu.

Rowling hringdi til þeirra og á meðan Catie lá í sófanum í stofunni heima hjá sér las Rowling fyrir hana kafla úr fjórðu bókinni sem enn var óútkomin. Rowling hringdi þrisvar eða fjórum sinnum í viðbót til að lesa fyrir hana úr bókinni en brátt var stelpan orðin svo veik að hún gat ekki lengur tekið á móti símtölum.

Catie Hoch lést 18. maí árið 2000, 9 ára að aldri. Þremur dögum síðar skrifaði Rowling foreldrum hennar ákaflega fallegt samúðarbréf. Eftir það hefur hún skrifað þeim annað slagið.

Foreldrarnir settu á stofn hjálparsjóð sem styrkir gististaði fyrir krabbameinssjúk börn. Nýverið barst sjóðnum stórt framlag frá Glasgow, Skotlandi, næstum 10 milljónir ísl. krónur. Það kom frá J. K. Rowling. Þá ákvað móðirin að segja sögu Catie. Sjóðurinn er með vefsíðu hér.