Harry
Potter and the Chamber of Secrets kom
út árið 1998 á Englandi. Helga
Haraldsdóttir þýddi bókina
yfir á íslensku eins og þá
fyrstu og Harry Potter og leyniklefinn kom út
á Íslandi þann 15. apríl 2000.
Þetta
er önnur bókin í röðinni um
Harry Potter, en bækurnar verða alls sjö
talsins. Þær fylgja Harry frá 10 til
17 ára aldurs.
Harry
er kominn í sumarfrí frá Hogwartskólanum
og eyðir því með hinni hugulsömu
Dursley fjölskyldu, en Dudley og foreldrar hans vilja
helst láta sem Harry sé ekki til. Tólf
ára afmælið hans rennur upp og þau
halda ekki upp á það frekar en vanalega.
Lítill
húsálfur birtist Harry og varar hann við
því að fara aftur í skólann
um haustið en Harry getur ekki hugsað sér
að eyða meiri tíma með Muggunum - og
tekur áhættuna.
Harry
kynnist leyniklefanum og því hversu hættulegt
það getur verið að hafa ekki „hreint“
nornablóð í æðum (fordómar
eru líka til utan heims Mugganna).
Hvað
táknar hvíslið sem enginn heyrir nema
Harry? Hver er að ráðast á útvalda
nemendur og breyta þeim, hverju fyrir sig, í
steinlíkneski? Liggja öll svörin í
leyniklefanum - ef hann er þá til?
Harry
ræðst í að leysa þessar ráðgátur
ásamt Ron og Hermione, vinum sínum, með
vitsmunina að vopni, nokkrar töfraformúlur
og heppnina í rassvasanum.
Lesendur
fyrstu bókarinnar þekkja sögusviðið
og persónurnar og í þessari bók
kemur nýtt fólk og ný fyrirbæri
til sögunnar, m.a. Dobby, litli húsálfurinn
og Gilderoy Lockhart, montinn og sjálfumglaður
rithöfundur sem kennir sjálfsvörn gegn
myrku öflunum.
Frábær
flétta, húmor og frumleiki einkenna þessa
bók eins og þá fyrstu. Hentar lesendum
8 ára og eldri.
Gagnrýni
á HP2
finnur þú á eftirfarandi stöðum
(á ensku):
Booklist
(May 15, 1999).
Plugged
In (Focus on the Family)
Publishers
Weekly (May 31, 1999)
