Um síðuna
Eldri fréttir
Bækurnar
Bók 1
Bók 2
Bók 3
Bók 4
Bók 5
Bók 6
Bók 7
Orð og nöfn
Heimavistir 
Persónur
Galdraþulur
J.K. Rowling
Ævisaga  
Myndasíða
Verðlaun
Góðverk 
BBC þáttur
Grein eftir HJ 
Viðtöl 2000
Viðtöl 2001
Viðtöl 2002
Viðtöl 2003
Ádeilur
Kvikmyndir
Mynd 1
Mynd 2
Mynd 3
Mynd 4
Mynd 5
Fyrir kennara
Viltu leika?
Viðtal/Hayman
Leikarar
Daniel Radcliffe
Daniel myndir

Emma Watson

Emma myndir

Rupert Grint
Rupert myndir
Tom Felton

Tom myndir

Sean Biggerst.
Sean myndir
Aðrir leikarar
Blaðam.fundur
HBO viðtal
Heimilisföng
FAN-klúbbur
„Fan-art“
„Fan-fiction“
Tagboard
Fastagestir
Afmælisdagabók
Bréf frá gestum
Gestabók
Tenglar
Íslenskir
Erlendir
Leikir
Leikir í gangi
Spider Frenzy
Broomsticks
BroomstiX
Fill It
Hogwarts
Knockturn Alley
Púsluspil 11
Púsluspil 2
Triwizard 1
Triwizard 2
Tveir leikir
Quidditch
Fleiri leikir 
Annað
Tölvupóstur

 


Síðast uppfært
2. nóvember 2003

Harry Potter og viskusteinninn
Titill: Harry Potter og viskusteinninn
Höfundur: J. K. Rowling
Þýðandi: Helga Haraldsdóttir
Þýðing á vísum: Guðni Kolbeinsson.
Titill á ensku: Harry Potter and the philosopher's stone.
Reykjavík: Bjartur, 1999
Blaðsíðufjöldi: 263 síður
Útgáfunúmer: ISBN 9979865555

Bókarkápan t.v. sýnir fyrstu prentun Viskusteinsins á Íslandi. Bókarkápan að ofan sýnir aðra prentun í Bretlandi en önnur prentun á Íslandi er mjög svipuð.


Harry Potter og viskusteinninn (Harry Potter and the Philosopher's Stone) eftir breska rithöfundinn J.K. Rowling, kom út árið 1997 á Englandi. Árið 1998 var hún gefin út í Bandaríkjunum undir nafninu Harry Potter and the Sorcerer's Stone. Helga Haraldsdóttir þýddi bókina yfir á íslensku og kom hún út í október 1999 hjá bókaútgáfunni Bjarti.

Harry Potter og viskusteinninn er fyrsta bókin í röðinni um Harry Potter, en bækurnar verða alls sjö talsins og fylgja Harry frá 10 til 17 ára aldurs.

Harry er grannur 10 ára gamall strákur með gleraugu. Foreldrar hans létust þegar hann var á fyrsta ári, og var honum þá komið í fóstur hjá harðbrjósta móðursystur sinni og manni hennar, Dursley-hjónunum. Þau eiga son, Dudley, sem er á svipuðum aldri og Harry. Dursley-hjónin ofdekra Dudley en fara illa með Harry. Þau hafa til dæmis aldrei haldið upp á afmælisdaginn hans - en hlaða rándýrum gjöfum á Dudley þegar hann á afmæli.

Þá fær hann skilaboð sem breyta lífi hans: hann hefur fengið inngöngu í HOGWART galdraskólann. Fréttirnar hefðu kannski ekki haft svo mikil áhrif á Harry ef hann hefði haft hugmynd um að hann væri gæddur galdrahæfileikum en Harry vissi ekki einu sinni að galdramenn- og konur væru til og hvað þá að hann ætti sjálfur eftir að fara í heimavistarskóla sem kenndi galdra.

Heimur seiða og töfradreykkja, skrímsla og dreka og fljúgandi galdraprika opnast smám saman fyrir bæði Harry og lesendum þessarar óvenjulegu og ótrúlega góðu sögu.

Nám í Hogwartskóla tekur alls sjö ár og að loknu því námi telst nemandinn fullnuma galdramaður eða -kona. Börnin læra meða annars að fljúga á kústum, blanda ýmis galdraseyði og að breyta fólki í froska.

Harry nýtur lífsins í Hogwartskóla og eignast þar tvo góða vini, Ron Weasley og Hermione Grainger. En hann á líka marga óvini. Þeirra stærstur er illmennið Voldemort, sem átti sök á dauða foreldra hans. Og svo er það Draco Malfoy, drengur í skólanum sem þolir ekki vinsældir Harrys. Þar að auki grunar Harry suma kennarana um græsku.

Í heimavistarskólum, eins og annars staðar, er að finna hrekkjusvín og illmenni en Hogwart er samt dásamlegur staður í augum Harrys og verður brátt að heimili hans.

Rowling hefur skapað dásamlegan galdraheim sem byggir á aldagömlum hefðum og siðum, töfrandi orðum, siðareglum, íþróttum og auvitað hinni eilífu baráttu á milli góðs og ills sem Harry og hinir nýju félagar hans flækjast inn í. Höfundurinn töfrar fram spennu og leyndardóma í þessari sögu sem hentar vel fyrir börn 8 ára og eldri.

GAGNRÝNI á HP1 finnur þú á eftirfarandi stöðum (á ensku):

Booklist (15. september 1998)

New York Times Book Review (14. febrúar 1999).

Plugged In (Focus on the Family)

Publishers Weekly (19. júlí 1998)

Greinar á íslensku um bókina:

Anna Heiða Pálsdóttir: Titill Hobbitinn Fróði og Harry Potter :
ungir menn með hlutverk. Börn og menning; 2002; 17 (1): s. 10-15

Harry Potter og viskusteinninn er stórkostleg bók, sem hrífur lesendur á öllum aldri. Hún er sannkallað ævintýri í nútímabúningi, vel skrifuð, og persónusköpunin er með því besta sem gerist í barnabókum.